මහමෙව්නාව සදහම් සේවාව සඳහා දැන් ඔබට ද
දායකත්වය ලබා දිය හැකියි.

        පූජනීය කිරිබත්ගොඩ ඤාණානන්ද ස්වාමීන් වහන්සේගේ උතුම් අදහසකට අනුව පොල්ගහවෙල, වඩුවාවේ ස්ථාපිත වූ මහමෙව්නාව භාවනා අසපුව මගින් සිදුකරගෙන යන ශාසනික සේවාවන් අතර මහමෙව්නාව සදහම් සේවාව මුල් තැනක් ගනී. ලොව පුරා විසිරී සිටින සුවහසක් සැහැදැවතුන් හට ගෞතම බුදුරජුන්ගේ නිර්මල ශ්‍රී සද්ධර්මය සරල බසින් තේරුම් ගැනීම පිණිස අන්තර්ජාලය හරහා වෙබ් අඩවියක් නිර්මාණය වූයේ එම මහමෙව්නාව සදහම් සේවාව තුළිනි. ඒ හරහා වසර ගණනාවක් තිස්සේ අද දක්වාම අමා දම් රස බෙදා දෙන්නට මහමෙව්නාවේ වෙබ් අඩවියට හැකිවිය.

        දෙස් – විදෙස් සැදැහැවතුන් හට දහම් පිපාසය සංසිඳුවා ගනු පිණිස සිදුකරගෙන යන මෙම ධර්ම දානමය කටයුතු වෙනුවෙන් ඔබගේ දායකත්වය ලබා දී උතුම් පුණ්‍යධර්මයන් රැස් කර ගැනීමේ අවස්ථාව දැන් ඔබට උදා වී තිබේ.මහමෙව්නාව අන්තර්ජාල සදහම් සේවාව සහ සදහම් ප්‍රකාශන කටයුතු වෙනුවෙන් අවශ්‍ය වන තාක්ෂණික උපකරණ ලබාගැනීම, මෘදුකාංග ලබා ගැනීම සහ වෙබ් අඩවි නඩත්තු කිරීම් කටයුතු සඳහා වන බරපැන සපයා දීමෙන් ගෞතම බුදුරජුන්ගේ සාම සංදේශය ලොව සිව් දෙස පැතිරවීම පිණිස ඔබට ද දායකත්වය ලබා දිය හැකියි.